Ўзбекистон Республикаси Президенти Ш.М. Мирзиёевнинг 2017 йил 27-28 январь кунлари Хоразм Маъмун академиясига ташрифи давомида олимлар учун хизмат уйлари қуриш масаласи илгари сурилган эди. 2018 йил 28 август куни Хоразм Маъмун академияси илмий ходимлари учун 24 хонадонли икки уй қурилиши тугалланди ва хонадонлар ўз эгаларига топширилди. Хизмат уйларини тантанали топшириш маросимида Ўзбекистон Республикаси Президентининг Давлат маслаҳатчиси ўринбосари У.И.Муҳаммадиев, Хоразм вилояти ҳокими в.б. Ф.Ў.Эрманов ва бошқа юқори мартабали меҳмонлар сўзга чиқди ва олимларни ушбу уйлар билан муборакбод қилди.