Xorazm Ma'mun akademiyasi "Termitlar tarqalishini oldini olish va ularga qarshi kurashish" laboratoriyasi xodimlari tomonidan Xorazm viloyati Urganch tumanidagi Cholish posyolkasida o'tgan yili bahorda organik o'gitlar qo'llanilgan dalalardan 10-mart 2024 yil holatiga ko'ra qo'ng'izlar qishlovdan chiqqanligi aniqlandi. Ular soni bir metr kvadratda o'rtacha 0,3 donani tashkil qildi. Qo'ng'izlar laboratoriyada morfologik tahlil qilinib Gastrophysa polygoni turiga mansubligi va bu tur qishloq xo`jalik ekinlarining zararkunandasi ekanligi aniqlandi.