2019 йил 17 майда Хоразм Маъмун академияси мажлислар залида Ўзбекистон Республикаси Фанлар академияси Тарих институти, Хоразм Маъмун академияси ҳамда  Ўзбекистон Республикаси Олий ва ўрта махcус таълим вазирлиги Урганч давлат университети ҳамкорлигида “Хоразм ўқишлари” туркумида “Ўзбекистон давлатчилиги тарихида Хоразм” мавзусидаги II Республика илмий конференция бўлиб ўтди.

Конференцияни т.ф.д., проф.  Д.А. Алимова кириш сўзи билан очиб берди.

Хоразм Маъмун академияси раиси б.ф.д., проф. И.И. Абдуллаев, Хоразм вилояти ҳокимининг ўринбосари проф. С.К. Салаев, Хива шаҳар ҳокими С.М. Жуманиязов, Урганч давлат университети ректори ф-м.ф.д. Б.И. Абдуллаевлар табрик сўзига чиқдилар.

Конференцияда к.и.н. С. Баратов “Новые материалы из поселения Хумбузтепа к истории государственности древнего Хорезма” мавзусида, т.ф.д. Н. Мустафаева “Хоразм Маъмун академияси XX аср тарихшунослигида” мавзусида, т.ф.д. Н. Аллаева “Хива хонлиги ташқи сиёсатини ўрганишда расмий ҳужжатларнинг ўрни” мавзусида, т.ф.д. С. Давлетов “Мустақиллик даврида Хоразм: иқтисодий ислоҳотлар ва унинг натижалари” мавзусида, PhD Қ. Якубов “Хива хонлигида вақф даромадларидан фойдаланиш асослари: назарияси ва амалиёти” маъруза қилдилар. Конференция мунозарага бой бўлди. Тушликдан кейин конференция Урганч давлат университетида 1-тарих, 2-тарихшунослик ва манбашунослик, 3-археология, этнология ва санъатшунослик шўъбалари бўйича давом қилди.