Ўзбекистон Республикаси Интелектуал Мулк агентлигининг Расмий Ахборотномасининг 2018 йил 12(212) сони чоп қилинди.

Унинг “Селекция ютуқлари” бобида “Ўсимликлар навлари ва ҳайвонлар зотларининг Давлат реестри рўйхатидан ўтказилган селекция ютуқлари тўғрисида маълумотларни нашр қилиш” бўлимида (299-бет) оригинатор Хоразм Маъмун академияси бўлган ғўзанинг янги Ният нави ҳам қайд қилинган.

Нав муаллифлари: Д. Аккужин, Ш. Кадиров, И. Абдуллаев, Ф. Жуманиязов, У.Абдурахимов, Р. Машарипова, Б. Ўринов. Эслатиб ўтамиз, Ният нави 2019 йилда Хоразм вилоятининг айрим туманларида синов шарти билан экишга рухсат берилган.

Шунингдек, Расмий Ахборотномада оригинатор Генетика ва ўсимликлар экспериментал биологияси институти бўлган ғўзанинг янги АН-519 нави ҳам рўйхатга киритилган. Ушбу навнинг ҳаммуаллифлари Хоразм Маъмун академияси олимлари Ш. Кадиров ва Ф. Жуманиязовлар ҳисобланади.